tirsdag 24. mai 2011

Usinglifisert og lukkeleg

Eg er ikkje lengre singel, og per definisjon vaksen og på veg til å verte Vellukka med stor V. Eg manglar berre villa, volvo og vovvov. Men leilighet, småbil og hybelkaninar er då eit stykke på veg!

Det fine med at eg ikkje lengre er singel, er at all bekymring no har forsvunne. Som dogg for sola - eller som byfjella i askeskya, rettare. Eg treng ikkje lengre lure på om folk likar meg, eg slepp å tenkje på kva klede eg skal ta på, dusjing kan reduserast til eit minimum, eg sparar pengar på frisør, sminke og treningsstudio. Eg treng ikkje lengre vurdere om eg bør takke ja til drinken frå han kjekkasen i baren - fordi eg nesten har slutta å gå på by'n.

Å, så deilig det er å berre slappe av og nyte kjærleiken som strøymer mot meg!

Eller forresten.. Kva om mor hans ikkje likar meg, kanskje eksen var flinkare enn det eg er til å lage mat, kva om han tykkjer familien min er rar, kanskje har eg dårleg ånde? Er eg berre tidsfordriv til han finn nokon som er finare, tynnare og flinkare til å fortelle vitsar? Og som er betre på geografi og filmhistorie og ikkje likar fotball? For det er ikkje særleg feminint, eller?

Å, som eg misunnar dei som er single!

2 kommentarer:

  1. Du er jo bare gullfine!!! Liker humoren. Tror ikke jeg har vært inne her og lest siden i fjor en gang. Kjenner det hjelper på humøret å lese bloggen din!!!!

    SvarSlett
  2. Kjekt å kunne spre litt latter :) Skal forsøke å gjere det litt oftare framover..

    SvarSlett