fredag 20. desember 2013

God jul frå frøken perfekt!

I år var planen å gå ned ti kilo før julaftan, gå på julebord i den flottaste kjolen eg nokonsinne har eigd, lage og sende julekort til familie, venner og bekjente, arrangere juleverkstad, kjøpe velovervegde gåver som alle i familien set pris på, kose med julemusikk og interiørblad, og pakke inn gåver medan snøen dryssa stille utanfor vindauga i min lekre julepynta heim. Omlag som dette.
 
I staden har eg lagt på meg fem av dei sju kiloa eg tok av i vår og sommar, ikkje funne ein einaste kjole som er meir flatterande enn joggebuksa eg planlegg å tilbringe mesteparten av romjula i, laga eit par julekort som eg ikkje har sendt, forsøkt meg på juleverkstad for meg sjølv (utan eit einaste ferdig produkt anna enn samanklistra fingrar og glitter på golvet), ikkje høyrt ei einaste låt på julespelelista mi - og manglar halvparten av julegåvene. Men framleis er det jo fire dagar før Tre Nøtter til Askepott og pinnekjøt.
Tenkjer eg tar meg ein velfortent pause for ein øl på Ferdinand

2 kommentarer:

  1. Håper du ikke satt på do med bøtta i fanget når gjestene dine kom på julaften!! Det gjorde jeg!!

    SvarSlett
  2. Huff huff! Ikkje stas. Nei, eg slapp unna både magesjau og gjester (var sjølv gjest).

    SvarSlett