tirsdag 9. februar 2010

Tomgang

Det er visst forbode å stå unødig på tomgang. Politiet i Bergen skal slå hardare ned på unødig tomgang, skreiv BT her for eit par veker sidan. Det gjeld heldigvis berre bilar. Så vidt eg veit. Menneske på tomgang forureinar ikkje, og så lenge det ikkje er til sjenanse for andre er det ikkje forbode å stå på samme stad og bruke opp energien utan å komme nokon veg.
I blant kjenner eg det som om eg har gått på tomgang lenge. Eg har ikkje flytta meg framover på mange år, verken fysisk eller mentalt. Og nokre dagar verkar det som eg kjører i revers. I nedoverbakke til og med. Ein vert svimmel av det.
I dag står eg berre på tomgang. Får håpe eg finn rett gir i morgon.

Ingen kommentarer:

Legg inn en kommentar